Иран: Немаме врска со планот за напад врз Евреите во Грција

1 min read

АНКАРА (АА) – Иран ги негираше тврдењата дека е поврзан со планот за напад врз синагога и ресторан што претежно е посетуван од еврејската заедница во грчкиот главен град Атина, пренесува Анадолу.

„Иран силно ги негира гласините што ги шират ционистичките извори, и лажните обвинувања против Иран“, се вели во соопштението објавено на Твитер од Амбасадата на Иран во Атина.

Во соопштението се укажува на сеопфатните протести против Владата во Израел, и се додава: „Со сценаријата што ги измислуваат, имаат за цел да го одвлечат вниманието на јавноста од внатрешната криза во која се наоѓаат.“

Такис Теодорикакос, грчкиот министер за заштита на граѓаните, на 28 март истакна дека како резултат на работата на грчката Национална разузнавачка служба и Одделот за борба против тероризмот се приведени двајца Пакистанци со иранско потекло за кои се тврди дека биле во подготовка да извршат терористички акт.

Меѓу другото, Израел тврдеше дека овој напад бил планиран од страна на Иран и дека нападот бил спречен со помошта на Мосад.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Пролетна дератизација за уништување на глодари во Кисела Вода

Следно

Отфрлена идејата да се отстапи реконструкцијата на Универзална сала на Владата

Latest from Blog