АНКАРА (АА) – На слобода е пуштен Бернард Фелан, француско-ирски државјанин кој минатата година во Иран е приведен под обвинение за национална безбедност и осуден на 6,5 години затвор, известува Анадолу.
Фелан (64), кој поседува француско и ирско државјанство, помилуван е и пуштен „од хуманитарни причини“, севели во соопштението на Амбасадата на Иран во Даблин.
„Конструктивни дипломатски односи меѓу Иран и Ирска резултираа со амнестија и пуштење на слобода на ирскиот државјанин Бернард Фелан од хуманитарни причини“, се истакнува во соопштението.
Бернард Фелан е приведен во Машхад за време на демонстрациите „Махса Емини“ во октомври 2020. Поради разни обвинувања поврзани со националната безбедност, вклучувајќи и „поттикнување против режимот и фотографирање на безбедносните сили“. Фелан е осуден на 6,5 години затвор. Неговото семејство соопшти дека здравствената состојба на Фелан се влошила во затворот.
Во соопштението од 17. јануари, француското Министерство за надворешни работи се наведува дека се загрижени за Фелановата здравствена состојба и дека е потребно веднаш да биде ослободен. Во продолжение се вели дека Иран стапил во контакт со ирската влада, со цел да се обезбеди Фелановото итно ослободување.
Извор: www.aa.com.tr
