Претседателот на ФИФА, Џани Инфантино се сретна со новоизбраниот американски претседател Доналд Трамп во неговата приватна резиденција на Флорида.
– Беше чест да се сретнам со американскиот претседател Доналд Трамп пред неговата претстојна инаугурација. Разговаравме за Светското клупско првенство на ФИФА, кое ќе се одржи ова лето, и за Светското првенство во фудбал во 2026 година, напиша Инфантино на социјалните мрежи.
Тој му се заблагодари на Трамп за вниманието и што се согласи да ја поддржи ФИФА во наредните месеци.
– Америка пречекува гости од целиот свет, а фудбалот го обединува целиот свет! – додаде првиот човек на ФИФА.
Светското првенство во фудбал во 2026 година ќе се одржи во три земји: САД, Мексико и Канада, од 11 јуни до 19 јули 2026 година.
Извор: kurir.mk
