Машката ракометна репрезентација на Холандија нема да игра во четвртфиналето на Светското првенство во Хрватска, Норвешка и Данска, бидејќи наместо потребните два бода во последното коло од втората фаза, во дуелот со Австрија зеде само еден – 37: 37.
Што, без разлика на исходите од преостанатите натпревари во групата 2, ги остави на третата позиција, со пет бода, зад недопирливите Франција (8) и Унгарија (5), а селекцијата на Македонија има шанса да им им се приклучи на „триколорите“ доколку победи во дуелот вечерва против растеретените Французи.
„Лалињата“ го добија првото полувреме со голем број на голови (19:17), имаа и +1 на четири минути до крајот (35:34), но на крајот бркаа нерешен резултат и го добија, иако овој исход не ги остави во игра за топ 8.
Жолто-црвените сега имаат шанса, иако сите адути се на француската страна. Но, во спортот се е можно, дури и инспирираните избраници на Кирил Лазаров да направат подвиг.
Извор: kurir.mk
