(ФОТОГАЛЕРИЈА) Божикна литургија во Соборниот храм, политичарите со верниците

Православните христијани денеска го слават Рождеството Христово – Божик. Во сите храмови на Македонската православна црква-Охридска архиепископија изутринава се одржуваа божикни литургии. Централното одбележување беше во Соборниот храм „Свети Климент Охридски“ во Скопје.

Со литургијата во Соборниот храм чиноначалствуваше архиепископот охридски и македонски г. г. Стефан, а покрај големиот број граѓани, присуствуваа и претставници од јавниот и политичкиот живот.

Присутни беа премиерот Димитар Ковачевски, министерот за внатрешни работи Оливер Спасовски, директорот на Комисијата за односи со верските заедници и религиозни групи, Дарјан Сотировски, лидерот на опозицијата Христијан Мицкоски, градоначалничката на Град Скопје, Данела Арсовска…

Честитки до верниците по повод Божик испратија од државниот врв и од политичките партии.