Овој бран попладне ќе се движи кон северозапад и во следните два часа може да донесе врнежи со грмежи во југозападните и јужните предградија на Белград, предупредиле метеоролозите
Силно невреме го зафати подрачјето на Војводина. Невреме пропратено со град, грмежи и ветер по 17 часот ги зафати Зрењанин и Нови Сад.
Поради обилните врнежи, улиците во Зрењанин се под вода и дождот не престанува да паѓа. Патиштата се под вода, а семафорите не работат на повеќе места во Зрењанин. Во Нови Сад врне околу еден час. Патиштата под надвозникот се исполнети со вода и сообраќајот се одвива отежнато, јавува „Данас.рс“.
Бројни улици во градот биле поплавени по само неколку минути врнежи.
„Во вечерните часови на запад од Србија, во Срем, делови од Бачка, северен и централен Банат, локална појава на силни грмежи со голема количина на врнежи, на места дури и град, а во зоната на пороен дожд краткотрајно се очкува и силен ветар“,
се наведува во предупредувањето на Републичкиот хидрометеоролошки завод (РХМЗ).
Силно невреме го зафатило и Крагуевац.
Како што соопштиле од РХМЗ, посилен дожд со грмежи се очкува да има во областа на Краљево, но и Топола, Бачка Паланка, Крагуевац и Аранѓеловац.
Овој бран попладне ќе се движи кон северозапад и во следните два часа може да донесе врнежи со грмежи во југозападните и во јужните предградија на Белград, предупредиле метеоролозите.
Според нив, за оваа нестабилност е одговорно влијанието на циклоните од централниот Медитеран.
Извор: 360stepeni.mk
