Осомничениот напаѓач, 21-годишниот У. Б., е уапсен во населбата Грошница во околината на Крагуевац, откако од синоќа по него трагаа околу 600 припадници на специјалните единици на српската полиција
Српското Министерство за внатрешни работи (МВР) утринава објави фотографија од уапсениот У. Б. кој е осомничен за синоќешниот масакр кај Младеновац во кој загинаа осум луѓе, а 14 се повредени.
Осомничениот напаѓач, 21-годишниот У. Б., е уапсен во населбата Грошница во околината на Крагуевац откако од синоќа по него трагаа околу 600 припадници на специјалните единици на српската полиција.
„Припадници на МВР по опсежна потрага го уапсија У. Б. (роден 2002 г.) во населба Грошница, во околината на Крагуевац. Тој е осомничен дека синоќа со огнено оружје уби осум лица и рани 14. Полицијата продолжува со работа на расветлување на сите факти и околности за овој настан“,
соопштија од српското МВР.
Осомничениот напаѓач У. Б. најпрвин почнал да пука во селото Дубона во Младеновац, а потоа продолжил со крвавиот пир во Мало Орашје и селото Шепшин.
Во Дубона тој убил млад полицаец и неговата сестра, пукајќи по случаен избор во училишниот двор, каде што ранил уште неколку лица. Според мештаните, напаѓачот бил познат како проблематичен кој бил од соседното село Долна Дубона. Најмладиот убиен во пукањето е роден 2008 година, односно е на возраст од 15 години.
Четринаесетемина повредени се згрижени во болниците, а полицијата работи на расветлување на сите факти и околности за масовното убиство.
Поврзани вести за масовното убиство кај Младеновац:
- РТС: Уапсен напаѓачот кој уби осум луѓе кај Младеновац – полицијата го лоцирала во близина на Крагуевац
- 600 специјалци трагаат по напаѓачот кој уби 8 и рани повеќе од 10 лица кај Младеновац – една од жртвите има 15 години
- Најмалку осум мртви кај Младеновац, напаѓачот сè уште во бегство – можно е да држи заложници?
- Српскиот министер за внатрешни работи: Ова е терористички акт
- Српски медиуми: Расте број на мртви – тројца убиени кај Младеновац, напаѓачот сè уште пука?
- (ВИДЕО) Ново пукање во Србија: Седум ранети, има и убиени
Извор: 360stepeni.mk
