Казната, која ја нареди судијата Хуан Меркан од кривичниот суд на Менхетен, е максимумот што судијата можеше да го изрече за овој случај
Компанија на поранешниот американски претседател Доналд Трамп денеска во Њујорк е казнета со 1,6 милиони долари, поради долгорочни практики за затајување данок, а ова е единствената кривична пресуда поврзана со Трамп досега. Казната, која ја нареди судијата Хуан Меркан од кривичниот суд на Менхетен, е максимумот што судијата можеше да го изрече за овој случај.
Според Си-ен-ен, организацијата на Трамп, која вклучува два ентитети, е осудена по 17 обвиненија, вклучувајќи даночно затајување и фалсификување деловни документи. Компанијата не е во опасност да биде затворена, бидејќи не постои таков механизам,
По изрекувањето на пресудата, Организацијата „Трамп“ остана на ставот дека не направила ништо лошо и рече дека ќе се жали на пресудата.
„Овие политички мотивирани обвинители нема да запрат пред ништо за да го добијат претседателот Трамп и да продолжат со бескрајниот лов на вештерки што започна на денот кога тој го објави своето претседателствување“,
се вели во соопштението од компанијата.
Извор: 360stepeni.mk
