Светската фудбалска централа ФИФА официјално ги објави домаќините на Светските првенства во 2030 и 2034 година.
Светското првенство во 2030 година ќе се одржи во Мароко, Португалија и Шпанија. Во Јужна Америка ќе се одиграат уште три натпревари – во Уругвај, Парагвај и Аргентина.
Претходно се дозна дека Италија одлучила да не поднесе заедничка понуда со Саудиска Арабија и Египет за домаќин на Светското првенство во фудбал во 2030 година. Така единствена остана кандидатурата на Мароко, Португалија и Шпанија.
За прв пат Светското првенство во фудбал ќе се одржи на три континенти и во шест земји. Најголем дел од натпреварите на Светското првенство во 2030 година ќе се играат во Мароко, Шпанија и Португалија. Воведниот натпревар ќе се одржи во Уругвај со учество на локалната репрезентација. Истото важи и за првите средби на репрезентациите на Аргентина и Парагвај во групите – тие ќе ги играат првите дуели во матичните земји.
Уругвај ќе го одигра воведниот натпревар по повод 100-годишнината од првото Светско првенство одржано во Уругвај.
Светското првенство во фудбал во 2034 година ќе се одржи во Саудиска Арабија, соопшти ФИФА на денешниот вонреден конгрес на седиштето.
Австралија, исто така, претходно имаше право да биде домаќин на турнирот, но потоа ја повлече својата кандидатура за домаќин на Светското првенство во фудбал во 2034 година, а Саудиска Арабија стана единствениот претендент.
Според организаторите, Светското првенство во Саудиска Арабија ќе се одржи на вкупно 15 стадиони во пет градови: Ријад, Џеда, Абха, Ал Хобар и Неом, се уште неразвиен град на северозападот на земјата.
Во плановите за стадионот Неом стои дека ќе се наоѓа на 350 метри надморска височина и ќе биде достапен само со брзи лифтови и самоуправувачки автомобили.
Извор: kurir.mk
