Уапсен е 60-годишен маж кој се сомничи дека намерно го активирал експлозивот при што се повредени пожарникари и полицајци, а за кој полицијата вели дека е теоретичар на заговор и кој го негира коронавирусот
Дванаесет полицајци и пожарникари се повредени денеска во експлозија во станбена зграда во градот Ратинген во западна Германија, соопшти полицијата. Полицијата и пожарникарите биле повикани да му помогнат на лице кое било немоќно, а кога пристигнале на вратата од станот одекнала експлозија.
Некои од пожарникарите и полицајците се тешко повредени.
По екслозијата специјалци упаднале во станот и уапсиле 60-годишен маж кој се сомничи дека намерно го активирал експлозивот при што се повредени пожарникари и полицајци. Регионалниот министер за внатрешни работи објави дека лицето кое е уапсено е теоретичар на заговор и кој го негира коронавирусот.
Во станот е пронајдено и мртво тело на жена, чиј идентитет се уште не е познат.
Германската РТЛ пренесува дека уапсениот е пренесен во болница и тешко е повреден иако не е јасно дали повредата настанала при апсењето или од претходната експлозија во станот.
Извор: 360stepeni.mk
