Едно лице загина, а две се повредени во престрелка во хотел во Приштина

Во моментов полициски истражители во координација со државниот обвинител работат на расветлување на сите околности поврзани со овој настан, информираат од полицијата

Едно лице го загуби животот додека други две се повредени во престрелка што се случи денеска во хотел во населбата Арберија во Приштина.

Портпаролката на косовската полиција за регионот на Приштина Фљора Ахмети, за РТК изјави дека пукањето во полиција било пријавено денеска околу 12:30 часот. Според неа, по пристигнувањето на полицијата и медицинските екипи на местото на настанот, истите констатирале смрт на едно лице, додека другите две лица се испратени на понатамошно лекување.

„Според првичните информации, едно лице е повредено од огнено оружје и починало на лице место, лекарската екипа ја констатирала смртта, додека уште две повредени лица се упатени на понатамошно лекување. Во моментов полициски истражители во координација со државниот обвинител работат на расветлување на сите околности поврзани со овој настан“,

рече Ахмети.

Фото: РТК