ИСТАНБУЛ (АА) – Еден азербејџански војник загина, а друг беше повреден во два одвоени инциденти што се случија кога ерменските сили отворија оган во регионот Басаркечар, соопштено е денес, пренесува Анадолу.
Азербејџанското Министерство за одбрана соопшти дека воениот службеник на азербејџанската Армија, Новрузализаде Орхан Елхан, бил убиен поради намерна провокација извршена од единиците на Ерменските вооружени сили.
„Дивизиите на Вооружените сили на Азербејџан преземаат решителни одмазднички мерки“, се вели во соопштението и се додава дека оперативната ситуација во регионот е под нивна контрола.
Претходно, Министерството соопшти дека еден азербејџански војник бил повреден доцна синоќа при интензивен оган од ерменските позиции во подрачјето на Зод во областа Басаркечар.
„Ранетиот војник веднаш е префрлен во воено-медицинска установа. Ерменската страна уште еднаш го прекрши примирјето и покрај предупредувањата да престане со нејзините провокации и да не ја ескалира намерно ситуацијата“, се вели во соопштението.
Се додава дека азербејџанските единици ги презеле неопходните одмазднички мерки во зоната на провокации.
Подоцна беше соопштено дека Ерменија распоредува дополнителен персонал и борбена опрема во близина на Зод.
„Со ова спротивната страна се обидува да создаде основа за следната провокација. Уште еднаш наведуваме дека ерменското воено-политичко раководство ја сноси целата одговорност за тензиите во регионот“, се вели во соопштението.
Односите меѓу двете поранешни советски републики се тензични од 1991 година кога ерменската војска го окупира Карабах, кој е меѓународно признат како дел од Азербејџан, и седум соседни региони.
Поголемиот дел од територијата беше ослободен од страна на Баку во војната есента 2020 година, што заврши по мировниот договор со посредство на Русија, кој ја отвори вратата за нормализација на ситуацијата.
Извор: www.aa.com.tr
