Синдикатите и натаму бараат зголемување на минималната плата на 450 евра, за подобрување на животниот стандард.
Министерот за економија Бесар Дурмиши рече дека предвидени средства за зголемување на минималната плата има околу 2000 денари, и на тој начин минималната плата може да изнесува најмногу 24.500 денари, или нешто помалку од 400 евра.
На прашање на ТВ21, Дурмиши одговори дека посакува да биде и повисока – 600 евра.
„Јас сакам минималната плата да биде и 600 евра. Реално, бараањето е 450, и јас сакам да биде 600. Но, да ги погледнеме сите засегнати страни и да се отвори оваа тема на почетокот на декември. Да ги видиме и можностите на Владата и дали има можност. Исто така ќе бидат разгледани и барањата на работтодавачите, затоа што и тие се засегнати од ова барање. На крајот ќе донесеме заедничка одлука“, рече Дурмиши.
ИЗВОР: ТВ 21
