ДУИ: Ќе останеме ден и ноќ пред Уставен суд да го заштитиме албанскиот јазик, кој сме го добиле со многу труд и крв

Арбр Адеми од ДУИ, денеска се обрати на медиумите од пред Уставниот суд, и кажа дека од денеска од ДУИ остануваат ден и ноќ пред зградата на Уставен, со цел да го одбранат, како што кажа, еден од темелите на Охридскиот договор, кој е гарант на мирот и стабилноста.

„Тука сме да го подигнеме нашиот глас. Ова не е обичен ден, денеска повеќе од било кога треба да го заштитиме тоа што сме го добиле со многу труд и крв. Законот за јазици не е само правен акт, туку тој стави мир во државата преку Охридскиот договор. Во овој закон е втемелева јазичната еднаквост. Укинувањето на законот значи уривање на темелите на овој договор. Владеачката коалиција без легимитет наместо да се работи за заедничка иднина, таа разденува и напаѓа. Ова е прашање за нашите права како рамноправни граѓани, нашиот идентитет и иднина како општество, нашата иднина. Охридскиот мировен договор е наша гаранција за праведно и еднакво општество. Денеска ја објавуваме инцијатицата Стража на јазикот, од денеска остануваваме ден и ноќ пред Уставниот суд“, изјави Арбр Адеми.