Аеродромот Белгород е затворен од 24 февруари 2022 година, односно од првиот ден на руската инвазија на Украина, како дел од режимот за ограничување на летовите во јужниот и централниот дел на Русија
Беспилотно летало од непознато потекло се урна во реонот на аеродромот во Белгород, потврди за руската државна новинска агенција РИА Новости претставник на итната помош.
„Дрон се урна попладнево, оштетена е оградата на аеродромот“,
рече тој.
Според првичните информации нема повредени, а околностите на инцидентот се уште се истражуваат.
Аеродромот Белгород е затворен од 24 февруари 2022 година, односно од првиот ден на руската инвазија на Украина, како дел од режимот за ограничување на летовите во јужниот и централниот дел на Русија. Украина постојано го гранатираше регионот на Белгород, а во целиот регион има високо ниво на терористичка закана.
„Дрон од типот на авион кој носеше неидентификувана експлозивна направа падна во близина на оградата на аеродромот Шухов и експлодира. Нема жртви. Аеродромот во моментов е затворен. Експлозијата ја оштети оградата и сигналниот кабел“,
објави украинската новинска агенција Укринформ.
Извор: 360stepeni.mk
