Доставен предлогот за владина реконструкција: Ковачевски ја соопшти утрешната одлука на Алтернатива?

February 11, 2023
2 mins read

Дали вака доставениот предлог до Собранието, според кој Алтернатива ги губи двата ресора што ги раководи во моментот, ја прави беспредметна најавата дека оваа партија утре ќе соопшти дали ја напушта Владата или се можни поместувања во последен момент? За Собранието да избере нови министри во одредени ресори, или треба да ги разреши досегашните или тие треба да поднесат оставки, а парламентот да ги констатира. Во владиното соопштение нема информација дали премиерот Ковачевски предложил и разрешување на некои министри

Премиерот Димитар Ковачевски и официјално го достави до Собранието предлогот за реконструкција на Владата.

За ова претпладнево преку соопштение информираа од владиниот прес-центар, наведувајќи ги новите кадровски решенија, според кои, нови шефови ќе добијат четири владини ресори (министерствата за здравство, правда, информатичко општество и администрација и животна средина и просторно планирање).

Во пет ресори, пак, предложени се нови заменик-министри.

Според предлог-кадровските решенија, Алијанса за Албанците добива три министерски и две заменик-министерски места во реконструираната влада.

За прв човек на Министерството за здравство е предложен Фатмир Меџити од Алијанса за Албанците, кој би дошол на местото на актуелниот министер Беким Сали од Алтернатива.

За министер за правда е предложен Кренар Лога од Алијанса, кој би го заменил досегашниот министер на овој ресор, Никола Тупанчески од СДСМ.

Според предлог-кадровските решенија, Азир Алиу од Алијанса би ја добил челната позиција во Министерството за информатичко општество и администрација. Овој ресор во моментов го води Адмирим Алити од Алтернатива.

За министерка која ќе раководи со Министерството за животна средина и просторно планирање е предложена Каја Шукова од СДСМ на местото на актуелниот министер Насер Нуредини од ДУИ.

Освен кај министерските позиции, промени се предложени и кај заменик-министерските. Па така, во реконструираната влада, Алијанса за Албанците покрај челните позиции во три министерства добива и две заменик-министерски позиции.

Според предлогот за реконструкција на Владата, за заменик-министер во Министерството за одбрана е предложен Тирон Јајага од Алијанса за Албанците кој би го заменил Башким Хасани од ДУИ.

Вјолца Бериша од Алијанса за Албанците е предложена за заменик-министерка во Министерството за земјоделство шумарство и водостопанство.

На заменик-министерската позиција во Министерството за правда, пак, е предложена Викторија Аврамовска-Мадиќ од СДСМ која би дошла на местото на актуелниот заменик-министер Агим Нухиу од ДУИ.

За заменик-министерка на ресорот здравство е предложена Маја Манолева која би дошла на местото на Владимир Рендевски.

Актуелниот заменик-министер за правда Агим Нихиу, пак, е предложен за заменик-министерската позиција во Министерството за образование и наука со која во моментов раководи Лулзим Алиу.

Дали вака доставениот предлог до Собранието, според кој Алтернатива ги губи двата ресора што ги раководи во моментот ја прави беспредметна најавата дека оваа партија утре ќе соопшти дали ја напушта Владата или се можни поместувања во последен момент, засега е неизвесно. За Собранието да избере нови министри во одредени ресори, или треба да ги разреши досегашните или тие треба да поднесат оставки, а парламентот да ги констатира. Во владиното соопштение нема информација дали премиерот Ковачевски предложил и разрешување на некои министри. Алтернатива, во актуелниот владин состав, има и министер без ресор (задолжен за дијаспора), Џемаил Чупи. Нема информација дали е предложено негово разрешување.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Вершинин: Русија е подготвена за преговори со Украина, но врз основа на постоечката реалност

Следно

По соборувањето на балонот, САД ставија шест кинески компании на „црната листа“

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop