БРИСЕЛ (АА) – Донаторската конференција на Европската Унија (ЕУ) за поддршка на Туркије и Сирија наместо на 16 март ќе се одржи на 20 март, објави денес Европската комисија, пренесува Анадолу.
Домаќини на донаторската конференција ќе бидат Урсула фон дер Лајен, претседателка на Европската комисија, и Улф Кристерсон, премиер на Шведска, земја која моментално претседава со Советот на ЕУ.
Во соопштението на Европската комисија се наведува дека ЕУ и нејзините земји членки имаат намера да дадат значителна поддршка за понатамошна помош, закрепнување и обнова во Туркије и Сирија.
ЕУ досега има издвоено 12 милиони евра (12,7 милиони долари) хуманитарна помош за итните потреби на населението во Туркије и уште 10 милиони евра за Сирија.
Повеќе од 46.000 луѓе загинаа во Туркије во земјотресите со јачина од 7,7 и 7,6 степени според Рихтеровата скала што го погодија јужниот дел на земјата на 6 февруари. Најмалку 5.840 луѓе загинаа во соседна Сирија.
Извор: www.aa.com.tr
