Десетмина приведени во Шпанија поради ограбување на украинските бегалци

1 min read

ОВИЕДО (АА) – Шпанската полиција денес соопшти дека 10 лица биле приведени поради ограбување на украинските бегалци во регионите Валенсија и Мурсија, јавува Анадолу.

Седум од приведените се Украинци, а приведени се и тројца Руси од исто семејство поради помагање во кражбата, се наведува во соопштението.

Полицијата наведува дека цел на криминалната група биле украинските бегалци кои вообичаено со себе ги носат сите свои заштеди и вредни работи.

По рациите, полицијата пронајде и заплени повеќе од 1,25 милиони евра украдени пари и вредни работи, часовници, накит, мобилни телефони, лаптопи и колекција на поштенски марки.

„Криминалната организација работела систематски“, информираат од полицијата.

Откако ги идентификувале своите цели, тие ги следеле наоколу набљудувајќи ги нивните рутини, дури и со ставање на GPS-тракери на нивните автомобили.

Откако знаеле дека нивните жртви не се наоѓаат во своите домови, крадците оделе во нивните домови, ги обивале бравите оставајќи малку траги и го земале она што го сакаат од нивните домови.

Полицијата соопшти дека кражби се извршени кај седум бегалски семејства или поединци кои живеат во градовите Торевјеха и Оривела на Коста Бланка.

Осомничените, девет мажи и една жена, се соочуваат со различни обвиненија, меѓу кои грабеж, членство во криминална организација и нарушување на приватноста.

Од избувнувањето на војната минатата година, Шпанија примила речиси 168.000 украински бегалци, покажуваат податоците на Министерството за внатрешни работи.

Валенсија е најпопуларна дестинација, со над 45.000 Украинци кои се населиле во регионот со околу 5 милиони луѓе.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Туркије: Децата во Кахраманмараш ги добија играчките од навивачите на Бешикташ

Следно

Истрага против осомничен дилер на марихуана од Скопје

Latest from Blog