ПАРИЗ (АА) – Во различни француски градови одржани се демонстрации против полициското насилство, јавува Анадолу.
Во саботата во централниот дел на Франција се одржа протест на еколошки активисти поради изградбата на големи базени за наводнување на нивите. Дојде и до полициска интервенција во која беа повредени голем број лица.
Локалните медиуми објавија дека илјадници луѓе излегле на улиците во различни градови, како Париз, Лион, Нант и Лил.
Додека демонстрантите се собираа на плоштадот пред градското Собрание во Париз, некои од нив се разотидоа во споредните улици. Полицијата одговори со солзавец додека демонстрантите палеа канти за отпадоци и барикади.
Во Париз се повредени седум лица, а во Лион најмалку две.
Илјадници еколошки активисти на 25 март одржаа демонстрации во селото Сен Солин во департманот Де-Севр поради изградбата на 16 големи базени за наводнување.
Во судирите се повредени седум демонстранти и 28 припадници на жандармеријата.
Меѓутоа, организаторите наведоа дека биле повредени околу 200 демонстранти.
Извор: www.aa.com.tr
