Се работи за вкупно 3,2 милиони нови луѓе со хиспанско потекло од почетокот на пандемијата, вклучително и мигранти и новороденчиња. Во овој период американската популација пораснала за вкупно 3,4 милиони луѓе.
Во исто време бројот на белата популација на земјата се намалил за 2,1 милион луѓе, а се помалиот број на млади белци влијаел и на пад на вкупниот број Американци под 18 години.
Падот на бројките на белците се должи главно на поголемиот број на починати отколку новородени. Бидејќи се работи за група со постара популација, има и помалку бели жени кои се на возраст на која можат да раѓаат а имаат и пониска плодност од другите луѓе.
Се очекува дека до 2030 хиспаносите и останатите не бели групи ќе претставуваат 44% од популацијата, а само хиспаносите ќе бидат една петина од вкупната популација. До 2050 оваа бројка ќе порасне на една четвртина.
Севкупно имало 15 сојузни држави со пад на популацијата. Први меѓу нив се Калифорнија и Њујорк кои заедно изгубиле 1,2 милиони жители во период од три години.
Најголемиот дел од сојузните држави имале минус на млада популација. Калифорнија има 500.000 деца помалку од пред пандемијата, а Њујорк 272.000 помалку. Во исто време Флорида и Тексас имаат плус по 100.000 нови деца.
Популацијата се намалила во 6 од 15 најголеми градови, а најголем лузер е Њујорк кој севкупно има над 580.000 луѓе помалку, на второ место е Лос Анџелес со над 400.000 минус. Во најголем плус се две метро области во Тексас, Далас и Хјустон, чија популација е зголемена за 460 односно 360 илјади луѓе.
ИЗВОР: off.net.mk
