Бројот на жртви во Турција и Сирија се искачи на 3 800, ЕУ активира посебен механизм за помош на двете земји

February 6, 2023
2 mins read

Според последниот биланс, во Турција во моментов се потврдени вкупно 2 379 смртни случаи, а бројот за жртви предизвикани од земјотресот во Сирија се искачи на 1 444

Поради катастрофалниот земјотрес кој ги погоди Турција и Сирија, Европската Унија го активира својот механизам за одговор на кризи со цел побрзо да ги координира мерките за поддршка за двете земји. Ваквиот механизам, како што се додава во извештајот на Советот на ЕУ, ја зајакнува способноста на ЕУ да носи брзи одлуки кога се соочува со големи кризи кои бараат одговор на ниво на Унијата

Бројот на жртви во разорниот земјотрес кој денеска ги зафати Турција и Сирија, според последниот биланс, се искачи на 3 823, иако се очекува бројот на загинати да расте во текот на ноќта.

Според последниот биланс кој го објави британскиот дневник „Гардијан“, во Турција во моментов се потврдени вкупно 2 379 смртни случаи, а бројот за жртви предизвикани од земјотресот во Сирија се искачи на 1 444.

Вкупниот број на повредени во двете земји сега е поголем од 15 000.

Спасувачи трагаат по луѓе под урнатините предизвикани од земјотресот во градот Арманаз во Сирија / Фото: EPA-EFE/YAHYA NEMAH

Поради катастрофалниот земјотрес кој ги погоди Турција и Сирија, Европската Унија го активира својот механизам за одговор на кризи со цел побрзо да ги координира мерките за поддршка за двете земји.

„Шведското претседателство одлучи на 6 февруари 2023 година да го активира Интегрираниот политички кризен одговор (ИПЦР) за да ги координира мерките за поддршка на ЕУ како одговор на земјотресот во Турција и Сирија, во тесна соработка со Европската комисија“,

се вели во соопштението на Советот на ЕУ.

Состаноците на Интегрираниот политички кризен одговор (ИПЦР) вообичаено вклучуваат релевантни институции на ЕУ и претставници од сите земји членки. Ваквиот механизам, како што се додава во извештајот на Советот на ЕУ, ја зајакнува способноста на ЕУ да носи брзи одлуки кога се соочува со големи кризи кои бараат одговор на ниво на Унијата.

Луѓе добиваат бесплатни оброци поделени по земјотресот во Дијарбeкир, југоисточно од Турција / Фото: EPA-EFE/REFIK TEKIN

Европската Унија претходно најави дека ќе формира и ќе испрати тимови за пребарување и спасување во Турција, а воедно на располагање ќе ги стави и услугите на сателитскиот систем „Коперник“. Шефот на европската дипломатија Жозеп Борел и еврокомесарот за управување со кризи Јанез Ленарчич претходно изјавија дека ЕУ е подготвена да им помогне и на погодените во Сирија преку своите програми за хуманитарна помош.

Поради смртоносните земјотреси и големиот број на жртви, Турција прогласи седумдневна национална жалост.

„Поради земјотресите што се случија во нашата земја на 6 февруари, прогласена е национална жалост во траење од седум дена. Нашето знаме ќе биде спуштено на половина копје до зајдисонце во недела на 12 февруари во целата наша земја и во претставништвата во странство“,

напиша турскиот претседател Реџеп Таип Ердоган на Твитер.

Според Агенцијата за управување со катастрофи и вонредни состојби на Турција, за време на земјотресот, во земјата зе урнале најмалку 5 606 згради.

Извор: 360stepeni.mk

MARKETING

MARKETING

Претходно

Гаревски: Градбите во земјава од 2014 година наваму се едни од најсигурните во Европа

Следно

(ВИДЕО) Нов земјотрес во Турција, бројот на загинатите се зголемува, зимските услови го отежнуваат спасувањето

Latest from Blog

ПОЖАРОТ НА КРИТ Е НАДВОР ОД КОНТРОЛА: Изгорени се куќи, хотелите се загрозени, луѓе евакуирани со чамци (ВИДЕО)

Пожарот што избувна во попладневните часови во среда (2 јули) во земјоделско-шумарска област, во градот Ахља во областа Ласити на Крит, избувна. Малку пред 20:30 часот, од бројот 112 е испратена нова

Во Собранието ќе заседаваат две комисии

Во Собранието денеска ќе заседаваат две комисии – Комисијата за култура и туризам и Законодавно правната комисија. Пред членовите на Комисијата за култура и туризам се Предлог законот за изменување и дополнување

Марк Ферстапен се сели во Мерцедес?

Четирикратниот последователен шампион во Формула 1, Макс Ферстапен, наводно одлучил да го напушти Ред Бул. Како што објави „Скај Италија“, Холанѓанецот ја прифатил понудата на Тото Волф да се пресели во Мерцедес.

Во неколку израелски напади низ Појасот Газа убиени 23 Палестинци

АНКАРА (АА) – Најмалку 23 Палестинци се убиени, а десетици се повредени рано утринава во серија израелски напади низ Појасот Газа, според палестински извори, јавува Анадолу. Израелски воени авиони го бомбардираа училиштето

Температури над 40 во Македонија – ИЈЗ со препораки за граѓаните

Лицата над 65 години или старите лица се посклони кон здравствени проблеми поврзани со топлината. Согласно националните и меѓународните препораки, старите лица се категоризирани како т.н. „ризична категорија“. Зошто? Бидејќи потешко се прилагодуваат
Go toTop