АНКАРА (АА) – Уште најмалку 40 Палестинци се убиени во израелските напади врз Појасот Газа, со што бројот на загинати од 7 октомври порасна на 40.005, истакна денес Министерството за здравство во енклавата, јавува Анадолу.
Министерството додаде дека во 10-месечната офанзива повредени се најмалку 92.401 Палестинец.
„Израелските сили убија 40 луѓе и повредија 107 во три масакри врз семејства во последните 24 часа“, соопшти Министерството.
„Многу луѓе сè уште се заробени под урнатините и на патиштата бидејќи спасувачите не можат да стигнат до нив“, се додава.
Непочитувајќи ја резолуцијата на Советот за безбедност на ОН со која се бара итен прекин на огнот, Израел се соочи со меѓународна осуда поради континуираната брутална офанзива врз Газа од нападот на палестинската група Хамас на 7 октомври 2023 година.
По повеќе од 10 месеци од почетокот на израелската војна огромни делови од Газа се во урнатини, а постои и блокада за храна, чиста вода и лекови.
Израел е обвинет за геноцид пред Меѓународниот суд на правдата (МСП), кој му нареди веднаш да ја прекине воената операција во јужниот град Рафа, каде што повеќе од еден милион Палестинци побараа засолниште од војната пред да започне копнената офанзива врз градот на 6 мај.
Извор: Anadolu Agency (AA)
