Бомбашот од црногорскиот суд ѝ е познат на полицијата: Бил осудуван за повеќе кривични дела

1 min read

Бомбата тој ја активирал во просторот помеѓу двете стаклени врати од влезот на судот

Фото: „Вјести“

Мажот што загина откако на влезот на Основниот суд во Подгорица, Црна Гора, активира рачна бомба е 39-годишниот Младен Булатовиќ, објавија црногорските медиуми откако во првичните информации беа наведени само неговите иницијали.

Според пишувањето на „Вјести“, тој ѝ е познат на полицијата од претходно бидејќи е осудуван за напад на полицајци, фалсификување, неовластено производство, чување и пуштање во промет опојни дроги.

Тој, според информациите од полицијата, денеска во 11:35 часот влегол на првата врата од Основниот суд и бомбата ја активирал во просторот помеѓу двете стаклени врати.

Медицинска помош по експлозијата во Клиничкиот центар на Црна Гора побарале осум лица.

Директорката на Клинички, Лилјана Радуловиќ, рече дека пет пациенти имале физички повреди, а четворица од нив ќе бидат задржани за понатамошно лекување.

Извор: 360stepeni.mk

Претходно

Улицата „Козара“ ќе се асфалтира и по третпат

Следно

Вонредна состојба во Вануату поради земјотрес и циклон

Latest from Blog