АНКАРА (АА) – Австралиската Влада денес одлучи да им забрани на своите службеници да ја користат кинеската апликација за споделување видео ТикТок на службените уреди, пренесува Анадолу.
Јавниот обвинител Марк Драјфус ја одобри забраната за кинеската апликација на уредите што ги користат владините службеници.
„Забраната ќе стапи во сила веднаш штом ќе биде изводливо“, рече Драјфус.
Тој нагласи дека исклучоци ќе има само во одредени случаи и со соодветни безбедносни мерки.
Австралија е најновата членка на „Пет очи“, разузнавачка алијанса што ја сочинуваат Австралија, Канада, Нов Зеланд, Велика Британија и Соединетите Американски Држави, за да им забрани на своите службеници да ја користат кинеската апликација на службените уреди.
Претставниците на ТикТок во Австралија ја нарекоа одлуката разочарувачка.
„Ние сме крајно разочарани од оваа одлука. Според наше мислење, ова е водено од политиката, а не од фактите“, рече управниот директор на ТикТок во Австралија, Ли Хантер, според АБЦ њуз.
Извор: www.aa.com.tr
