Асад и неговото семејство пристигнаа во Москва, Русија им пружи азил

ИСТАНБУЛ (АА) – Соборениот сириски претседател Башар ал-Асад и неговото семејство пристигнаа во Москва, каде Русија им понуди азил, објави руската државна новинска агенција ТАСС, пренесува Анадолу.

„Асад и членовите на неговото семејство пристигнаа во Москва. Русија, врз база на хуманитарни причини, им даде азил“, цитира ТАСС извор од Кремљ.

По период на релативно затишје, на 27 ноември повторно се разгореа судирите меѓу силите на режимот на Асад и антирежимските групи во западните рурални подрачја на Алепо, голем град во северна Сирија.

Во текот на 10 дена, опозициските сили изведоа молскавична офанзива, освојувајќи клучни градови, а потоа, денес, и главниот град Дамаск. Брзиот напредок доведе до пад на режимот на Асад по 13 години граѓанска војна.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.