Тренерот на Реал Мадрид, Карло Анчелоти смета дека неговиот тим заслужено ќе игра во финалето на Купот на Шпанија.
Реал синоќа на гостински терен ја победи Барселона со 4:0 во реваншот од полуфиналето од националниот куп.
– Имавме одличен натпревар и тоа беше заслужен резултат. Одигравме многу добро во второто полувреме, во многу тежок натпревар. Кога имавме можност создававме опасност при премините од одбрана во напад. Направивме сѐ како што треба, и во напад и во одбрана. Денеска Бензема беше ладнокрвен како и секогаш, изјави Анчелоти, цитиран од „Football Espana“.
Финалето на Копа дел Реј меѓу Реал Мадрид и Осасуна ќе се одржи на 6 мај.
ИЗВОР: kurir.mk
