Кога Џо Бајден дојде на претседателската функција во 2021 година, стариот со мерак зборуваше за „битката меѓу демократиите и автократиите“ во која САД и другите демократии се стремат да создадат мирен свет. Реалноста, сепак, е дека администрацијата на Бајден помага да се зголемува воената моќ на голем број авторитарни земји.
Според неодамна објавените владини податоци, САД лани продавале оружје во најмалку 57 отсто од автократските држави во светот.
Од крајот на Студената војна, Америка е најголемиот трговец со оружје во светот, со околу 40 отсто од вкупниот извоз на оружје во дадена година.
Според официјалните податоци, во 2022 година од САД купиле оружје 142 земји и територии.
Колку од тие земји се демократии, а колку автократии? На тоа прашање може да се одговори со споредување на податоците за продажбата на оружјето со податоците од проектот Varieties of Democracy на Универзитетот во Гетеборг во Шведска, кој користи систем за класификација што го викаат „Режимите во светот“.
Системот ги класифицира режимите во четири категории: затворена автократија, изборна автократија, изборна демократија и либерална демократија.
Од 84 земји класифицирани како автократии, Америка им продавала оружје на барем 48, односно 57% .
Сличен заклучок се добива и ако се споредува со оценките на Фридом Хаус. Од 85 земји што тие не ги сметаат за демократии, САД лани им продавале оружје на 49 такви држави, или 58 отсто.
За крај:
Иако Трамп беше оној кој се чаталеше со своите трговски вештини околу продажбата на американското оружје, Бајден и сегашната администрација се оние кои газат.
Веќе во првата комплетна фискална година на Бајден, со 206 милијарди долари продадено оружје, тој ги надмаши рекордните износи од целиот мандат на Трамп (192 милијарди долари).
Драматичниот пораст на продажбата на оружје не може да се објасни со Украина и великодушните американски напори таа да се вооружи за војна со Русија, бидејќи руската инвазија се случи дури во петтиот месец од фискалната 2022 а и огромен дел од помошта за Украина е во форма на грантови (не продажба) и трансфер од резервите на Пентагон, со претседателски указ.
ИЗВОР: off.net.mk
