Пред 50 години, на Париската мировна конференција беше договорено американско повлекување на сите војници и советници од Виетнам, со што се стави крај на воената мисија на САД во југоисточна Азија.
Тоа е битно, бидејќи дотогаш, тоа беше најголемата катастрофа во историјата на американската надворешна политика. Материјалните и човечките загуби беа огромни, без преседан.
Министерството за одбрана процени дека од 1961 година па до падот на претседателот Тиу во април 1975 година, САД потрошиле повеќе од 7.000 долари по глава на жител во 20 милионскиот Јужен Виетнам.
Од загинувањето на првиот Американец, Џејмс Томас Дејвис во 1961 година, до парискиот договор во јануари 1973 година, американските жртви броеле 350.000 ранети и 58.000 убиени, од кои 40.000 во борба.
Виетнамските жртви (југ и север) надминаа два милиона: 241.000 јужновиетнамци загинаа во битки, еден милион комбинирани жртви од север и Виетконг, плус 300.000 лица кои се сметаат за исчезнати.
„Тоа е релевантно за сегашноста“, забележал Квинси институтот за одговорно државништво, „и во врска со прашањето за „предавство“ на сојузниците -не само заради повлекувањето на САД од Авганистан, туку и за американскиот ангажман во Украина“.
„Лекциите од виетнамската војна ни кажуваат како Вашингтон ќе ја прекине прокси војната во Украина и како тоа ќе им го продаде на Американците,“ пишува професор Сиракуза.
Виетнам имаше една позната константа: ниеден американски политичар или аналитичар не тврдеше сериозно дека таа војна може да се добие. Ама затоа, се имаше време да се понудат безброј објаснувања зошто е тоа така.
Кога ситуацијата на теренот беше објективно проценета, претседателот Џералд Форд и државниот секретар Хенри Кисинџер речиси преку ноќ ја сменија плочата и бараа американскиот народ да ја остави виетнамската војна зад себе и да се сврти кон иднината.
„Лекцијата која мора да ја научиме од ова искуство е во иднина да бидеме многу претпазливи кон обврските кои ги преземаме,“ изјави своевремено Кисинџер.
„Ниедна лекција не се научи“, заклучува професорот Суиракуза тврдејќи дека повлекувањето од војната во Украина која, според него, не може да биде добиена ќе биде изведено на ист начин.
ИЗВОР: off.net.mk
