Обвинението е кривично дело од четврти степен, казниво со затвор до 18 месеци и парична казна од 5 000 долари според законот во Ново Мексико. Обвиненијата, исто така, вклучуваат одредба што може да резултира со задолжителна петгодишна затворска казна бидејќи делото е извршено со пиштол
Актерот Алек Болдвин ќе се соочи со обвинение за ненамерно убиство во фаталното пукање на директорката на фотографија Халина Хачинс која беше убиена во Ново Мексико за време на филмски сет на филмот „Раст“ (Rust), соопшти окружниот обвинител во Санта Фе, наведувајќи го „криминалното непочитување на безбедноста“.
Со истото обвинение ќе се соочи и Хана Гутиерез-Рид, која била задолжена за надгледување на оружјето за филмот кој се снимаше во 2021 година.
Според најавите на окружниот обвинител на Санта Фе, обвиненијата ќе бидат поднесени до крајот на месецот.
Обвинението е кривично дело од четврти степен, казниво со затвор до 18 месеци и парична казна од 5 000 долари според законот во Ново Мексико. Обвиненијата, исто така, вклучуваат одредба што може да резултира со задолжителна петгодишна затворска казна бидејќи делото е извршено со пиштол.
За време на престрелката на филмскиот сет во 2021 година беше ранет и филмскиот режисер Џоел Соуза, но обвинителите соопштија дека нема да бидат покренати обвиненија во врска со тоа.
Кинематограферката Халина Хачинс почина набргу откако беше ранета за време на пробите на ранчот на периферијата на Санта Фе на 21 октомври 2021 година.
Помошникот режисер кој му го дал пиштолот на Болдвин во раце, не знаел дека во него има вистински куршуми, пишува во извештајот на полицијата.
Извор: 360stepeni.mk
