Албанците се мостот што ги држи Северна Македонија и Косово тесно поврзани, беше заклучокот на двајцата премиери Христијан Мицкоски и Албин Курти, во разговорите што ги одржаа еден пред друг во присуство на двете делегации на меѓувладината седница.
Кога зборуваше за Албанците од Македонија, Курти зборуваше подолго. Тој не спомна конкретни прашања за кои има голем политички судир, како што е прашањето за укинувањето на етничката припадност за вработување или одлуката на Уставниот суд за Законот на јазиците за која има остри критики од опозицијата, но зборувајќи општо рече дека почитувањето на правата на граѓаните без разлика на етничката припадност е должност на двете држави.
-Албанците од Северна Македонија треба да ги гледаме како додадена вредност, како неуништливи мостови на најблиската и најмоќната соработка меѓу нашите две републики. Почитувањето на правата на граѓаните без разлика на националноста, засновано на најдобрите европски стандарди, е должност и на Косово и на Северна Македонија, но и наша заложба и посветеност како две демократски земји кои се стремат кон членство во ЕУ, изјави премиерот на Република Косово, Албин Курти.
Мицкоски, во својот говор не даде таков „совет“, но истакна дека семејните врски на Албанците се мост што уште повеќе ќе ги поврзе двете земји.
-Односите меѓу нашите две држави, врските кои не се само државни, туку и семејни меѓу народите од двете страни на границата, мислам дека се додадена вредност и мост што ќе не зближи уште повеќе во наредните години, изјави премиерот на Христијан Мицкоски.
Беше нагласен и заедничкиот стремеж на двете земји за членство во ЕУ и придонесот за мирот преку НАТО. Овде Курти му порача на Мицкоски дека мора да остане буден за опасностите кои доаѓаат одоколу, бидејќи како што рече, во регионот има актери кои им служат на злонамерните сили, кои имаат за цел да го запрат напредокот и да го повлечат регионот назад со тоа што не дозволуваат демократијата, човековите права и владеењето на правото да бидат нашите основни вредности какви што сакаме да бидат.
ИЗВОР: ТВ 21
