Амбасадорката на САД во Северна Македонија, Анџела Агелер, преку официјален статус ја потенцираше важноста на независноста на судството и одговорноста во демократските процеси. Нејзиниот став доаѓа по последните одлуки за назначување на Артан Груби и Енвер Беџети, кои ги оцени како пример за неприфатливо политичко влијание.
„Денешното назначување на Артан Груби и Енвер Беџети е доказ дека политичкото мешање во судството не може – и нема – да се толерира. САД ќе продолжат да ги именуваат оние кои се вклучуваат во значителна корупција која ги поткопува демократските институции. Никој не е над законот, а одговорноста е суштинска за напредок,“ истакна Агелер.
Со ова, амбасадорката упати јасна порака за посветеноста на САД во борбата против корупцијата и зацврстувањето на демократските вредности во земјата. Таа истакна дека транспарентноста и отчетноста се клучни за европската иднина на Северна Македонија, а дека секој кој го поткопува овој процес ќе биде соодветно означен и повикан на одговорност.
Претходно во интервју за ТВ21 амбасадорката на САД во земјава го најави проширувањето на црната листа.
ИЗВОР: ТВ 21
