НБА: Бостон убедлив и сигурен, победа на ЛА Лејкерс

Најсилната кошаркарска лига на светот НБА лига стартуваше со два меча каде победа оствари шампионот Бостон селтикс против Њујорк Никс со 132-109, додека Лос Анџелес Лејкерс славеше со 110-103 против Минесота Тимбервулвс.

Уште во првата четвртина беше јасно дека Бостон ќе запише победа, иако Њујорк имаше голем број засилувања ова лето, но очигледно им е потребно време да се прилагодат.

На паркетот најдобар беше Џејсон Тејтум со 37 поени, како и 10 асистенции, додека на другата страна блесна Џејлен Брансон со 22 поени.

Лејкерс одигра возбудлив меч против Минесота, а предноста ја создаде во втората четвртина, додека ривалот постојано се обидуваше да ја врати неизвесноста.

За победата на ЛА Лејкерс беше заслужен Ентони Дејвис, кој постигна 36 поени, 16 скокови и четири асистенции, додека на другата страна Ентони Едвардс постигна 27 поени и шест скокови.