Десницата во Италија убедливо победи на изборите во клучните региони Ломбардија и Лацио

February 14, 2023
1 min read

Десницата во Италија убедливо победи на изборите за гувернери и советници во италијанските региони Лацио и Ломбардија, објавија италијанските медиуми.

Конечните резултати од гласањето во северниот регион Ломбардија покажуваат дека Атилио Фонтана, кој е претставник на партијата „Лига“ на Матео Салвини, е реизбран за регионален гувернер. Тој освои 54,67 отсто од гласовите. Неговиот главен ривал, Пјерфранческо Маиорино, кандидат на Обединетата левица, која ги вклучува Демократската партија, Зелените и „Движењето 5 ѕвезди“, доби само 33,93 отсто. На третото место се најде Летиција Морати, кандидатка на центристите. Таа доби 9,87 отсто од гласовите.

Одѕивот на гласачите во областа беше 41,68 отсто.

Партијата „Браќа на Италија“ на премиерката Џорџа Мелони, го освои првото место на изборите за регионална администрација во Ломбардија. Таа освои 25,18 отсто од гласовите. Партијата „Лига“ освои само 16,53 отсто, а „Форца Италија“ на Силвио Берлускони освои 7,23 отсто.

Демократската партија во Ломбардија освои 21,82 отсто од гласовите, „Движењето 5 ѕвезди“ 3,93 отсто, а центристичкиот „Трет пол“ 4,52 отсто.

Резултатите од гласањето во регионот на Лацио покажуваат дека таму победува кандидатот на Обединетата десница, Франческо Рока, чија кандидатура беше главно поддржана од премиерката Мелони. Тој добива 53,88 отсто. Така Лацио преминува од левицата кај десницата.

На второ место се најде кандидатот на Демократската партија и центристичкиот „Трет Пол“, Алесио Д’Амато. Тој освои 33,5 отсто од гласовите, а Донатела Бјанки, кандидатката на „Движењето 5 ѕвезди“ се најде на третото место со 10,76 отсто.

Излезноста на гласачите во Лацио беше 30,72 отсто.

Во битката за локалниот совет во Лацио, „Браќа на Италија“ води со 33,63 проценти, а по нив следат „Лига“ и „Форца Италија“ со 8,52 односно 8,43 проценти…

Во двата региони се бележи намалување на одѕивот на гласачите.

ИЗВОР: kurir.mk

MARKETING

MARKETING

Претходно

(ВИДЕО) Тројца убиени и петмина повредени при вооружен напад во универзитетски кампус во Мичиген, САД

Следно

Реџепи: Ќе гласам за разрешувањето на Беким Сали, но не и за другите министри

Latest from Blog

Костадинов во 24 анализа: Стапката на инфлација е очекувана бидејќи има покачување на платите

Ромео Костадинов од Сојуз на стопански комори во 24 анализа рече дека стапката на инфлација е очекувана бидејќи има покачување на платите. Според него, 3,3% инфлација е добра за македонскиот стандард. „Стапката

Мората добива смртни закани

Шпанската фудбалска репрезентација го загуби ибериското дерби од Португалија, во финалето на Лигата на нации, кое беше решено по пенали, кога искусниот Алваро Мората го промаши својот пенал пред победничкиот гол на

Филипче: Актуелната власт го заборави Делчево само затоа што градоначалникот е од друга партија

Претседателот на СДСМ Венко Филипче заедно со градоначалникот на Делчево Горан Трајковски денеска ги посети капиталните проекти во градот. Салата АСНОМ, прочистителната станица, новиот пазар и новата градинка со капацитет за околу

ПО 29 ПАТ: Пропадна уште еден обид за конституирање на косовското собрание

Конститутивната седница на Собранието на Косово денеска, 29 пат, беше прекината бидејќи предлогот за формирање комисија што би го надгледувала тајното гласање за избор на претседател на Парламентот не го доби потребниот

Пановски во Аргумент плус: По заминувањето на претседателот на Советот на Град Скопје институцијата е во вакуум

Советникот во Град Скопје, Никола Пановски во Аргумент плус рече дека по заминувањето на претседателот на Советот на Град Скопје институцијата е во вакуум. Според него, треба двете најголеми коалиции да седант
Go toTop