Освен овие две држави, на краткиот список се и Соломонските острови, Ванату и Исланд, како држави кои можат да произведат доволно храна за нивното население по „катастрофа која нагло ќе ја намали сончевата светлина“ пример нуклеарна војна, ерупција на вулкан или удар од астероид.
Научниците тврдат дека дури и во најлошото сценарио, најверојатно ќе има „џебови на преживеани низ планетата“, а оние во најотпорните нации ќе успеат да избегнат колапс на пред-индустриски нивоа.
Во анализата се земаат предвид само острови, а првото место на Австралија се должи на тоа што таа и онака е извозник на храна, има голем вишок енергија, добро здравство и сериозен буџет за одбрана.
Тоа што не оди во корист на Австралија е што има блиски воени врски со Британија и САД, заради што е многу поверојатно да биде мета во потенцијална нуклеарна војна. Во однос на ова Нов Зеланд се рангира малку подобро од Австралија бидејќи нема нуклеарно оружје, но заради блискоста на двете тоа може и да не излезе дека е од некоја голема корист.
Тоа што е слаба страна на Нов Зеланд е што претерано зависи од глобалната трговија, па нејзиниот крах во случај на апокалипса ќе го забрза општествениот колапс.
Еден од авторите на студијата од Универзитетот на Отаго, објаснува дека Нов Зеланд нема никакви капацитети за преработка на гориво и е драстично зависен од увоз на дизел, пестициди и машинерија за одржување на тамошното земјоделие.
Утехата за нив треба да е тоа што во случај на нуклеарна зима, производството на храна во Кина, Русија и САД ќе падне за 97% и ќе треба да изнаоѓаат нови технологии за создавање храна.
ИЗВОР: off.net.mk
