Баерн Минхен влезе во немирни води на стартот на новата 2023-та година поради неубедливите изданија, но воглавно поради експлозивното интервју кое го одработи капитенот на првиот тим, Мануел Нојер.
Голманот кој се рехабилитира од тешка повреда предизвика големи турбуленции во Минхен со интервјуто кое го одработи за „Алтетик“, а со кое директно ги нападна директорите и раководните структури на Баерн поради отказот кој го заработи Тони Тапаловиќ.
Нојер доста лично го прими отказот на тренерот на голманите и не го криеше своето незадоволство, односно нагласи дека го добил најбруталниот удар во својата играчка кариера.
Тешките зборови кои ги употреби предизвикаа жестока реакција и од водечките луѓе на Баерн, па продолжувајќи во тој контекст, клубот подготвува и историска парична казна за својот голман.
Иако тензијата успеала да се смири по последниот разговор кој го имале Нојер и тренерот Нагелсман во последните неколку дена, Баерн цврсто стои зад тоа дека Нојер треба да заработи примерна казна, а „Билд“ открива дека истата ќе изнесува 1,6 милиони евра.
ИЗВОР: kurir.mk
