Ние обезбедуваме итна помош и подготвуваме брза проценка на потребите на теренот, вели претседателот на Светска банка, Дејвид Малпас
Светска банка објави дека ќе и обезбеди на Турција 1,78 милијарди долари помош во напорите за закрепнување по разорните земјотреси и последователни потреси во Турција кои веќе резултираа со огромни загуби на животи, повредени и многу значителни штети во и околу југоисточна Турција.
„Во име на Светска банка, изразуваме длабоко сочувство до народот на Турција и Сирија за големата загуба што ја претрпевте како резултат на разорните земјотреси. Ние обезбедуваме итна помош и подготвуваме брза проценка на потребите на теренот“,
рече претседателот на Светска банка, Дејвид Малпас.
The @WorldBank is announcing $1.78 billion in support for Türkiye following this week’s devastating earthquakes.
We are preparing a rapid assessment of the urgent and massive needs on the ground to identify priority areas for recovery and reconstruction. https://t.co/lb1FkOvGx8
— David Malpass (@DavidMalpassWBG) February 9, 2023
Од Светска банка соопштуваат дека непосредна помош од 780 милиони американски долари ќе биде понудена преку компонентите за одговор при итни случаи од два постоечки проекти во Турција.
„Помошта ќе биде искористена за обнова на основната инфраструктура на општинско ниво“,
додаваат оттаму.
Дополнителни една милијарда долари се подготвуваат за поддршка на погодените делови за закрепнување и обнова од оваа катастрофа.
„Непосредните и идните потреби на Турција се огромни и го опфаќаат целиот опсег од помош до реконструкција“,
рече Хумберто Лопез, директор на Светска банка за Турција.
Извор: 360stepeni.mk
