КИЕВ (АА) – Украинската армија објави дека одбила 55 руски напади врз неколку села во источниот регион Доњецк, еден ден откако призна дека ситуацијата на источниот фронт се влошува, јавува Анадолу.
Украинската армија успеа да ги одбие нападите и во подрачјето на селото Охеретин, каде што вчера беше забележано силно гранатирање.
Селото Охеретине се наоѓа северно од Авдиевка, која беше заземена од руските сили во февруари. Оттогаш тие навлегоа уште подлабоко во регионот на Доњецк.
Уште појужно, украинските сили продолжуваат да се борат со руската армија, вклучително и во близина на градот Красногоривка.
Од Киев беше соопштено дека руски војници со поддршка на воздухопловните сили најмалку 15 пати се обиделе да ја пробијат одбранбената линија.
Красногоривка, на околу 20 километри западно од Доњецк, служеше како упориште за украинските сили и стана поранлива по падот на блиските градови Маринка и Авдиевка.
Врховниот командант на украинската армија Олександр Сирски објави дека неговите трупи се повлекле во новите одбранбени линии позападно во некои подрачја.
Извор: Anadolu Agency (AA)
