КИЕВ (АА) – Украина уништи 41 руско беспилотно летало од типот „Шахед“ и собори авион „Су-24М“, јавува Анадолу.
Командата на Украинските воздухопловни сили соопшти дека руската Армија синоќа ја нападнала територијата на Украина со беспилотни летала од Крим и руската област Курск.
Наведено е дека Русија во нападот користела 48 беспилотни летала, а 41 биле уништени од украинските системи за противвоздушна одбрана.
Командантот на Украинските воздухопловни сили, Николај Олешчук, изјави дека рускиот авион „Су-24М“, што се обидувал да изврши ракетно бомбардирање на југот од областа Одеса, под заштита на авион „Су-30СМ“, вчера бил соборен во близина на Змискиот Остров во Црното Море.
Украинскиот претседател Владимир Зеленски им се заблагодари на силите за воздушна одбрана за соборувањето на рускиот авион.
