ГАЗА (АА) – Голем број луѓе се убиени и ранети во израелското бомбардирање на училиште на Обединетите нации (ОН) во Газа, во кое се засолнети раселени лица, известува Анадолу.
Извори од здравството во регионот информираа дека израелската војска го бомбардирала училиштето Ал Факура, сместено во бегалскиот камп Џабалија, во северниот дел на Појасот Газа, во кој се засолнети голем број луѓе .
Училиштето делува во рамките на Агенцијата на Обединетите нации за помош на палестинските бегалци (УНРВА).
Изворот наведува дека во израелскиот напад има голем број убиени и ранети.
Во соопштението на палестинското МНР се вели дека е бомбардирањето на училиштето Ал Факура е последното од бројните масакри што Израел ги изведе во Газа.
„Најостро ги осудуваме масовните убиства што израелските окупаторски сили ги извршија над палестинските цивили во Појасот Газа“, се вели во соопштението.
„Војната што Израел ја објави над палестинските цивили има за цел елиминирање на палестинското присуство во северниот дел на Појасот Газа“, се додава во соопштението.
Се истакнува дека овој масакр на окупаторската држава, насочен кон училиштето на УНРВА, „е ново понижување за меѓународната заедница.“
