(ФОТО) Лос Анџелес: Полицијата најде две бели „комбиња од интерес“ во потрагата по напаѓачот кој уби 10 лица

Засега нема официјална потврда дека некое од нив е поврзано со напаѓачот, како и дали е пронајден осомничениот иако некои од американските медиуми објавија дека тој е мртов

Во потрагата по напаѓачот во паркот Монтереј во Лос Анџелес кој уби најмалку 10 лица, полицијата пронајде две бели комбиња, откако претходно имаше информации дека со такво возило избегал осомничениот.

Првично, полицајците опколија едно комбе јужно од паркот Монтереј. Го скршија прозорецот и влегоа во него.

Во истата област, потоа било пронајдено и друго паркирано бело комбе за кое полицијата, исто така, рече дека е „комбе од интерес“.

Засега нема официјална потврда дека некое од нив е поврзано со напаѓачот, како и дали е пронајден осомничениот иако некои од американските медиуми објавија дека тој е мртов.

Претходно, полицијата во Лос Анџелес објави фотографија од осомничениот, но неговото име сè уште не го соопштија.

Она што го објавија е дека лицето е високо 177,8 сантиметри, облечено во црна јакна и со очила.