Портпаролот на Министерството за надворешни работи на Кина, Мао Нинг, го обвини избувнувањето на насилството на северот на Косово за непочитување на српските политички права
По конфликтот меѓу српските демонстранти во косовската општина Звечан и мировните сили на НАТО во Косово (КФОР), Кина ја изрази својата поддршка за напорите на Србија за заштита на суверенитетот и територијалниот интегритетот, јави регионалниот сервис на Радио Слободна Европа (РСЕ).
Портпаролот на Министерството за надворешни работи на Кина, Мао Нинг, го обвини избувнувањето на насилството на северот на Косово за непочитување на српските политички права.
„Се спротиставуваме на едностраните акции на привремените самоуправни институции на Косово“,
рече шефот на кинеската дипломатија на прес-конференција.
И покрај тоа што косовските Срби ги бојкотираа локалните избори за градоначалници во општините со мнозинско српско население и се обидуваат да ги спречат новите албански градоначалници да ги извршуваат функциите, Мао рече дека на Србите им се нуди контрола над општините каде што се мнозинство.
„Го повикуваме НАТО да го почитува суверенитетот и територијалниот интегритет и да го направи она што всушност води кон регионален мир“,
рече министерот за надворешни работи на Кина, пренесе РСЕ.
Србите кои се населени на северот на Косово на 26 мај почнаа да протестираат во општините каде што се мнозинство, противејќи се на новоизбраните албански градоначалници.
По почетокот на тензиите, Србија ја подигна борбената готовност на својата армија на највисоко ниво и распореди воени единици на позициите во близина на границата со Косово.
За време на конфликтот со српските демонстранти на 29 мај, 30-ина војници на мировната мисија на НАТО во Косово, КФОР, беа повредени.
Во меѓувреме, генералниот секретар на НАТО, Јенс Столтенберг, објави дека во Косово ќе бидат испратени дополнителни 700 војници.
Извор: 360stepeni.mk
