ТЕХЕРАН (АА) – Иран денес објави дека повеќе од 8.000 кибернапади биле спречени во претходната иранска календарска година, што заврши на 20 март, пренесува Анадолу.
Амир Мухамедзадех-Лајеварди, извршен директор на Канцеларијата за телекомуникациска инфраструктура (ТИЦ), рече дека успешно се спречени дури 8.321 кибернапад врз клучните инфраструктурни мрежи во земјата.
Тој се осврна на неодамнешните кибернапади врз Централната банка на Иран и домашните апликации за размена на пораки Рубик и Бала, што беа спречени.
„Деновиве најголем обем странски напади се насочени кон банки и финансиски институции, интернет провајдери и комуникациска инфраструктура, но тие се спречени“, рече Лајеварди во соопштението што го пренесува државната новинска агенција ИРНА.
Извор: www.aa.com.tr
