Вооружени напаѓачи во Нигерија киднапирале најмалку 80 луѓе, главно жени и деца, во сојузната држава Замфара, каде што е зголемена активноста на банди кои вршат киднапирања за пари во оддалечените села, изјавија денеска очевидци.
Вооружени банди во последниве години нападнаа стотици локални заедници низ северозападна Нигерија, додека исламистичките милитанти продолжуваат да вршат напади во североисточниот дел на земјата.
Последното киднапирање се случило во петокот, во селото Ванзамаи во областа на локалната самоуправа Цафе во Замфара, додека жените и децата од селото работеле земјоделски работи и собирале огревно дрво, изјавија тројца жители. (МИА)
ИЗВОР: kurir.mk
