МОСКВА (АА) – Рускиот министер за надворешни работи, Сергеј Лавров, ќе ја посети Туркије на 6 и 7 април, потврди портпаролката на Министерството, Марија Захарова, јавува Анадолу.
Захарова, на прес-конференцијата во Москва, изјави дека Лавров на 6 и 7 април, на повик на колегата Мевлут Чавушоглу, ќе престојува во посета на Туркије.
„За време на средбата се планира да се разговара за низа прашања, особено за состојбата на билатералната соработка во подрачјата од заеднички интерес, вклучувајќи ја трговијата, енергетиката и туризмот“, порача Захарова.
Напоменувајќи дека на состанокот ќе се разговара за актуелните меѓународни теми, Захарова додаде дека освен за Украина, Сирија и Нагорно-Карабах, ќе се разговара и за средна Азија и Авганистан.
Извор: www.aa.com.tr
