Кражба тешка пет милиони евра се случила во електровлечната подстаница Драчево, лоцирана помеѓу железничките станици Лисиче и Драчево, соопштуваат од министерствто за транспорт..
Оттаму велат дека при кражбата е предизвикано целосно уништување на значаен дел од електроенергетската опрема на железничката инфраструктура.
При кражбата биле насилно превртени два големи електроенергетски трансформатори, секој со тежина од над 30 тони. Од трансформаторите било испуштено и истурено масло, додека бакарните намотки и другите вредни компоненти биле целосно отстранети и украдени.од подстаницата се украдени бакарни жици, бакарни шини и прачки, како и практично сите уреди и елементи неопходни за нејзиното функционирање.
Извор: zurnal.mk
