Севернокорејскиот лидер Ким Џонг Ун повика на експоненцијално проширување на нуклеарниот арсенал на земјата, објави државната новинска агенција КЦНА.
Посетувајќи го новиот погон за производство на нуклеарен материјал, Ким рече дека производствениот капацитет за нуклеарен материјал за атомско оружје се зголемил повеќе од двојно во последните пет години и им нареди на службениците дополнително да го зголемат производството за да ги исполнат долгорочните стратешки цели.
Ким објави планови за зајакнување на нуклеарните сили на земјата „со експоненцијална брзина“, објави АП.
Извор: vecer.mk
