На помалку од три месеци до Мундијалот, се чини дека Франција и дефинитивно може да се вброи во ТОП 3 селекции кои се фаворити за освојување на титулата. Вечерва во Ландовер – Мериленд (САД), во пријателски меч, избраниците на селекторот Дидие Дешамп ја победи Колумбија со 3:1 и ова беше нивна втора победа на оваа турнеја откако пред три дена беше совладан и Бразил.
Франција вечерва настапи без неколкумина стандардни првотимци, почна и без Килијан Мбапе, кој ги одигра само последните 15-тина минути, но затоа тука беа Дуе со два гола и Турам да покажат кој е кој и на овој меч.
Колумбија дури во финишот со голот на Кампаз успеа да го ублажи поразот на 3:1.
Нема што, оваа Франција е моќна, моќна. Просто им тера страв во коски на ривалите. Сепак да почекаме на Мундијалот, сосема на поинаков начин се игра на СП.
Извор: vecer.mk
