Црногорскиот претседател Јаков Милатовиќ оцени дека станува збор за невиден скандал и за целосен колапс на системот, истакнувајќи дека држава што дозволува бегство на осуденик за организиран криминал го губи својот кредибилитет.
Нов скандал ја потресе Црна Гора, откако полицијата од средата вечерта интензивно трага по Милош Меденица, син на поранешната претседателка на Врховниот суд, Весна Меденица. Тој исчезна веднаш по изрекувањето на пресудата со која, заедно со мајка му, беше осуден на десетгодишна затворска казна. По судски налог, против него вчера беше распишана локална потерница, објави „Вијести“.
