Се појави вознемирувачко видео од егзекуција на украински воен заробеник, Киев гневен

Украинскиот министер за надворешни работи побара Меѓународниот суд веднаш да започне истрага за, како што вели, ова воено злосторство

Вознемирувачко видео од егзекуција на украински воен заробеник денеска се шири по социјалните мрежи. На него се гледа како ненаоружан маж во украинска униформа пуши цигара и изговара „Слава на Украина“ додека во него завршуваат голем број куршуми.

На ова остро реагираше шефот на украинската дипломатија Дмитро Кулеба, кој го опиша видеото како „ужасно“.

„Ужасно видео од невооружен украински заробеник егзекутиран од руските сили само затоа што кажал ’Слава на Украина‘. Ова е уште еден доказ дека оваа војна е геноцид“,
вели Кулеба, кој го повика Меѓународниот суд веднаш да започне истрага за стрелањето на украинскиот заробеник кое според него е воено злосторство“.

Horrific video of an unarmed Ukrainian POW executed by Russian forces merely for saying “Glory to Ukraine”. Another proof this war is genocidal. It is imperative that @KarimKhanQC launches an immediate ICC investigation into this heinous war crime. Perpetrators must face justice.
— Dmytro Kuleba (@DmytroKuleba) March 6, 2023

По појавата на видеото, украинското Министерство за надворешни работи, функционерите, но и претседателот Володимир Зеленски на официјалните профили објавија фотографии со порака „Слава на Украина“.