Ова доаѓа како одговор на изјавата на српскиот претседател дека сите Срби што се регрутирани во „Вагнер“ и учествуваат во војната во Украина ќе бидат уапсени по враќањето дома
Шефот и основач на озлогласената паравоена формација „Вагнер“, Јевгенијх Пригожин, го прозва српскиот претседател Александар Вучиќ дека залудно беснее бидејќи во редовите на групата веќе нема Срби кои се борат во Украина.
„Вучиќ залудно беснее. Од 1 март 2023 година, во „Вагнер“ нема ниту еден Србин. Последниот што се борел во „Вагнер“ ја напушти групата пред два месеци. Ако некој од Србите тврди дека се борел во „Вагнер“ во 2023 година, тоа е измама. Не верувајте му“,
вели Пригожин.
Тој изјавата ја објави на Телеграм, а е одговор на новинарско прашање од порталот „Рекс“, кое му било упатено откако Вучиќ во интервју за бриселски „Политико“ порача дека сите Срби што се регрутирани во „Вагнер“ и учествуваат во војната во Украина ќе бидат уапсени по враќањето дома.
Извор: 360stepeni.mk
